Tensionet në Lindjen e Mesme janë përshkallëzuar ndjeshëm, pasi Irani ka lëshuar raketa drejt territorit izraelit në përgjigje të sulmeve pranë reaktorit bërthamor në Natanz.Sipas raportimeve, shpërthime janë dëgjuar në qytetet Dimona dhe Arad, ku janë regjistruar dhjetëra të plagosur. Në Dimona, disa prej shpërthimeve kanë ndodhur në afërsi të një prej objekteve bërthamore të Izraelit, duke rritur shqetësimet për sigurinë.Autoritetet izraelite bëjnë të ditur se numri i të plagosurve në Arad ka arritur në 59 persona, ku disa prej tyre ndodhen në gjendje të rëndë. Ndërkohë, në Dimona, rreth 47 persona kanë marrë trajtim mjekësor pas sulmeve.Mes të lënduarve raportohet edhe një fëmijë 10-vjeçar në gjendje të rëndë, ndërsa disa gra dhe qytetarë të tjerë kanë pësuar dëmtime nga copëzat e xhamave dhe shrapnelët. Një pjesë e madhe e të plagosurve kanë marrë lëndime gjatë përpjekjeve për t’u strehuar ose si pasojë e panikut.Zyrtarët iranianë kanë deklaruar se ky sulm përbën një “përgjigje të drejtpërdrejtë” ndaj bombardimeve të mëparshme në Natanz.
Irani sulmon Izraelin me raketa – shpërthime pranë centralit bërthamor në Dimona
