Sipas një raportimi të New York Times, Princi i Kurorës së Arabisë Saudite, Mohammed bin Salman, po ushtron presion ndaj Shteteve të Bashkuara që të vazhdojnë ofensivën ushtarake kundër Iranit dhe të synojnë rrëzimin e regjimit në Teheran.Gazeta amerikane shkruan se bin Salman e konsideron fushatën e përbashkët SHBA-Izrael si një “mundësi historike” për të riformësuar balancat e fuqisë në Lindjen e Mesme.Në disa diskutime të zhvilluara ditët e fundit, ai ka argumentuar se Irani përbën një kërcënim afatgjatë për rajonin e Gjirit dhe se ky rrezik mund të eliminohet vetëm përmes ndryshimit të regjimit.Ky qëndrim përkon me linjën e kryeministrit izraelit, Benjamin Netanyahu. Megjithatë, ndërsa në Izrael ekziston bindja se një Iran i dobësuar apo në kaos do të ishte fitore strategjike, Arabia Saudite e sheh një skenar të tillë si rrezik të drejtpërdrejtë për sigurinë e saj.Raporti paralajmëron se nëse konflikti zgjatet, ekziston mundësia që Irani të godasë instalimet saudite të naftës, duke rritur tensionet dhe duke rrezikuar përfshirjen më të thellë të SHBA-së në një konflikt të zgjatur.Nga ana tjetër, autoritetet saudite i kanë mohuar këto pretendime. Në një deklaratë zyrtare thuhet se Mbretëria ka mbështetur vazhdimisht një zgjidhje paqësore të konfliktit, edhe para përshkallëzimit të situatës.
NYT: Princi saudit po i bën presion Trumpit për luftë ndaj Iranit
