Sekretari për urbanizëm dhe inspektim ndërtimor, Vladislav Velaš, si dhe biznesmeni Çedomir Popović, janë arrestuar nën dyshimet për përfshirje në ndërtime të paligjshme në zonën e Baošićit.Sipas njoftimit të Policisë, aksioni është zhvilluar pas një hetimi të gjerë dhe në bashkëpunim të ngushtë me Prokurorinë Themelore në Herceg Novi. Qëllimi i operacionit ishte zbulimi i veprave penale në fushën e ndërtimeve pa leje, si dhe mbrojtja e mjedisit dhe trashëgimisë kulturore.Përveç arrestimeve, janë paraqitur edhe katër kallëzime penale ndaj personave fizikë dhe juridikë, për një total prej gjashtë veprash penale.Dyshohet se Popović, në cilësinë e themeluesit dhe drejtorit ekzekutiv të kompanisë “Carine” d.o.o., ka nisur dhe realizuar projekte ndërtimi për komplekse turistike dhe hotele në Kumbor, Đenovići dhe Baošići, pa dokumentacionin e nevojshëm dhe në kundërshtim me vendimet për ndalim ndërtimi.Ndërsa Velaš dyshohet për shpërdorim të detyrës zyrtare, duke mos ndaluar ose duke mundësuar zhvillimin e këtyre punimeve të paligjshme.Sipas Policisë, gjatë kontrolleve inspektuese të kryera më 20 mars 2026, është konstatuar se në disa lokacione janë ndërtuar objekte në fazë të avancuar, ndërkohë që punimet kanë vazhduar edhe pas vendimeve për ndalim.
Arrestohen zyrtari i urbanizmit dhe një biznesmen për ndërtime pa leje në Herceg Novi
